Чарга на выезд у Польшчу праз пункт пропуску «Берасьце» сёньня ноччу паставіла новы рэкорд.
Паводле зьвестак Дзяржаўнага памежнага камітэту, на 6:00 раніцы чарга складала 4650 аўтамабіляў.
Да 8-й раніцы легкавых аўтамабіляў, якія стаяць у чарзе, паменела да 4600.
Таксама ў чарзе штораз больш аўтобусаў. Уначы іх было ўжо 140.
Учора ўдзень чарга складала больш за 4400 аўтамабіляў, але зь вечара да ночы іх колькасьць расла.
На гэты момант «Берасьце» — адзіны пункт пропуску, які дзейнічае на беларуска-польскай мяжы для легкавых аўтамабіляў. Астатнія закрытыя праз санкцыі.
ГЛЯДЗІЦЕ ТАКСАМА: У Беларусі заявілі аб рэкорднай чарзе транспартных сродкаў, якія чакаюць уезду ў краіны Эўразьвязу